من وين بلّش أقرأ الإنجيل؟

أربع كتب صغار عن شخص واحد

الإنجيل هو الخبر المفرح عن عيسى المسيح، مكتوب بأربع كتب: متى ومرقس ولوقا ويوحنا. كل واحد بيحكي نفس القصة من زاوية، متل أربع أصحاب بيحكوا عن حدا بيعرفوه منيح.

بلّش بلوقا

لوقا كان كاتب دقيق، تأكّد من كل شي قبل ما يكتب. كتابه هادي وواضح ومليان ناس: المرضى، والفقرا، والنسوان، واللي الكل تركهم. ٢٤ فصل، كل فصل بياخد شي عشر دقايق.

عملنالك خطة بسيطة: فصل كل يوم، لمدة ٢٤ يوم. إذا فاتك يوم، كمّل عادي.

اقرأ على مهلك واسأل بصراحة

مش لازم تكون مقتنع بكل شي لحتى تقرأ. جرّب تلات أسئلة بعد كل فصل:

• شو عمل عيسى أو شو قال هون؟
• شو الشي اللي فاجأني؟
• شو بدي إسأل؟

ليش انكتب؟

يوحنا بيقولها بوضوح بآخر كتابه: «وأما هذه فقد كتبت لتؤمنوا أن يسوع هو المسيح ابن الله، ولكي تكون لكم إذا آمنتم حياة باسمه.» (يوحنا ٢٠: ٣١). وإنت حر تقرأ وتفكّر وتقرّر لحالك.

إذا عندك سؤال

اكتبه بصندوق الأسئلة، بدون اسم. في إنسان حقيقي رح يرد عليك.